ଆଲିଆ-ରଣବୀରଙ୍କ ସମ୍ପର୍କରେ ଫାଟ ? ଏହି ଖବର ଉପରେ ମୁହଁ ଖୋଲିଲେ ଅଭିନେତ୍ରୀ
Join in WhatsApp
ନିକଟରେ ଆଲିଆ ଭଟ୍ଟ କରଣ ଜୋହରଙ୍କ ଶୋ କଫି ସହିତ କରଣ ୮ରେ ଅଂଶଗ୍ରହଣ କରିଥିଲେ। ଏହି ଶୋ’ରେ ଆଲିଆ ତାଙ୍କ ବ୍ୟକ୍ତିଗତ ଏବଂ ବୃତ୍ତିଗତ ଜୀବନ ବିଷୟରେ କହିଥିଲେ । ଏହି ଶୋ’ରେ ସେ ତାଙ୍କ ବିବାହିତ ଜୀବନ ବିଷୟରେ କହିଥିଲେ । ତାଙ୍କ ସହିତ ଏହି ଶୋକୁ ଆସିଥିଲେ ନଣନ୍ଦ କରୀନା କପୁର । ଦୀର୍ଘଦିନ ଧରି ଚର୍ଚ୍ଚା ହେଉଥିବା ସ୍ୱାମୀ ରଣବୀର କପୁର ଏବଂ ତାଙ୍କ ମଧ୍ୟରେ ଖରାପ ସମ୍ପର୍କକୁ ନେଇ ସେ ନିଜର ପ୍ରତିକ୍ରିୟା ରଖିଥିଲେ ।
କରଣ ଜୋହର ର଼୍ୟାପିଡ ଫାୟାର ରାଉଣ୍ଡରେ ଅଭିନେତ୍ରୀଙ୍କୁ ନିଜ ବିଷୟରେ ସବୁଠାରୁ ବଡ ଭୁଲ ଧାରଣା ବିଷୟରେ କହିବାକୁ କହିଥିଲେ। ଏହାର ଉତ୍ତରରେ ସେ କହିଛନ୍ତି- ଏହା ହେଉଛି ଇଣ୍ଟରନେଟର ଯୁଗ। କିଛି ଦିନ ମୁଁ ଫ୍ୟାଟ ସର୍ଜରୀ କରେ ଏବଂ କିଛି ଦିନ ମୋର ସ୍କିନ ଧଳା ହୋଇଯାଏ।ଆଲିଆ ଆହୁରି କହିଛନ୍ତି ଯେ ମୋତେ ଏସବୁ ପରକ୍ ପଡେନି ।ଏହା ସହିତ ଏ କଥା ମଧ୍ୟ କହିଛନ୍ତି ଯେ ରଣବୀର ଙ୍କ ସହିତ ମୋର ଦାମ୍ପତ୍ୟ ଜୀବନ ରେ କିଛି ଭୁଲ ବୁଝାବଣା ନେଇ ପାଟି ତୁଣ୍ଡ ହୁଏ କିନ୍ତୁ ଆମ ଭିତରେ ଭଲ ପାଇବା ଅଛି | ସେଭଳି ବଡ଼ ସମସ୍ୟା କିଛି ନାହିଁ | ତେଣୁ ସୋସିଆଲ ମିଡ଼ିଆ ରେ ଭାଇରଲ କଥା ଉପରେ ଧ୍ୟାନ ନଦେବା ଠିକ ଅଟେ |
ହେଲେ ରାହାଙ୍କୁ ନିଜ କୋଳରେ କିଏ ନେବ ସେନେଇ ଉଭୟଙ୍କ ମଧ୍ୟରେ ସବୁବେଳେ ଝଗଡା ହୋଇଥାଏ। ଏହା ଉପରେ କରୀନା କହିଛନ୍ତି ଯେ ‘ ଆଉ ଏକ ପିଲା କରିବାର ଏହା ଏକ ସଙ୍କେତ’। ଏହା ବ୍ୟତୀତ ଶୋ’ରେ ଆଲିଆ ମଧ୍ୟ ରଣବୀରଙ୍କୁ ଇଣ୍ଟରନେଟରେ ଟକ୍ସିକ ହଜବ୍ୟାଣ୍ଡ ବୋଲି କହିବା ଉପରେ ପ୍ରତିକ୍ରିୟା ପ୍ରକାଶ କରିଥିଲେ। ଏଭଳି ଅନେକ କ୍ଲିପ୍ ସୋସିଆଲ୍ ମିଡିଆରେ ଭାଇରାଲ ହେଉଛି।