ହିନ୍ଦୀ ଫିଲ୍ମ ‘ପଠାନ’କୁ ନିଷିଦ୍ଧ କରିବା ପାଇଁ ଦାବି ।
Join in WhatsApp
ଆଦିତ୍ୟ ଚୋପ୍ରାଙ୍କ ଦ୍ବାରା ନିର୍ମିତ ହିନ୍ଦୀ ଚଳଚ୍ଚିତ୍ର ‘ପଠାନ’କୁ ନିଷିଦ୍ଧ କରିବା ଲାଗି ବିଭିନ୍ନ ସ୍ଥାନ ରେ ଦାବି ହୋଇଛି। ଅଲ ଇଣ୍ଡିଆ ହିନ୍ଦୁ ମହାସଭାର ରାଷ୍ଟ୍ରୀୟ ଅଧ୍ୟକ୍ଷ ସ୍ବାମୀ ଚକ୍ରପାଣି ମହାରାଜା କହିଛନ୍ତି ଯେ ଚଳଚିତ୍ର ‘ପଠାନ’ରେ ହିନ୍ଦୁ ସଂସ୍କୃତିକୁ ଅପମାନିତ କରାଯାଇଛି। ଏହି ଚଳଚ୍ଚିତ୍ରରେ ଅଶ୍ଳୀଳତା ଭରି ରହିଛି। ତେଣୁ ଏହାକୁ ଭାରତର ପ୍ରେକ୍ଷାଳୟଗୁଡିକରେ ପ୍ରଦର୍ଶନ ନିମନ୍ତେ ଅନୁମତି ଦିଆଯିବା ଉଚିତ୍ ନୁହେଁ।
ସେହିପରି ମଧ୍ୟପ୍ରଦେଶ ମନ୍ତ୍ରୀ ନରୋତ୍ତମ ମିଶ୍ର ମଧ୍ୟ ଏହି ଚଳଚ୍ଚିତ୍ରକୁ ନିଷିଦ୍ଧ କରିବା ଲାଗି ଦାବି କରିଛନ୍ତି। ଏହି ଚଳଚ୍ଚିତ୍ର ବିରୋଧରେ ଟୁଇଟର ଓ ଅନ୍ୟାନ୍ୟ ସାମାଜିକ ଗଣମାଧ୍ୟମରେ ଜୋରଦାର ଟ୍ରୋଲ୍ ଚାଲିଛି ।ଏହି ଚଳଚ୍ଚିତ୍ରର ଏକ ଗୀତରେ ଦୀପିକାଙ୍କ ବିକିନ୍ ପିନ୍ଧିବା ଦୃଶ୍ୟରେ ଅଶ୍ଳୀଳତା ରହିଛି ।
ସିଦ୍ଧାର୍ଥ ଆନନ୍ଦ ଏହି ଚଳଚ୍ଚିତ୍ରର ନିର୍ଦେଶନା ଦେଇଥିବାବେଳେ ଶାହାରୁଖ ଖାଁ, ଦୀପିକା ପଦୁକୋନ ଓ ଜନ ଆବ୍ରାହାମ ମୁଖ୍ୟ ଭୂମିକାରେ ଅଭିନୟ କରିଛନ୍ତି। ୨୦୨୩ ଜାନୁଆରୀ ୨୫ରେ ଏହି ଚଳଚ୍ଚିତ୍ର ମୁକ୍ତିଲାଭ କରିବାକୁ ସ୍ଥିର ହୋଇଛି।